Нови Имиња – НОВО ИМЕ

Сандра Туфеска

Со акрилни техники на платно или со графички моливи на хартија, оваа дваесетгодишна девојка твори единствени портрети. Токму поради тоа, со своите гласови одлучивте да нашето Ново Име биде баш таа! Една од нејзините најголеми желби е упознавајќи ги луѓето од светот на уметноста,  да стекне нови знаења и да го усоврши својот талент. Сандра, веруваме дека пред тебе се прекрасни нешта и дека титулата ќе ти биде неопходниот ветер во грб.

Влатко Иљачев

Упдејтирајте ги своите плеј листи, затоа што ние имаме нов омилен пеач. Влатко Иљачев ја понесе титулата Ново Име за месец фебруари. Од својата осма година пее и пишува балади за клавир. Неговиот сон е еден ден да ги сними сите свои 52 песни (wow!) кои што ги напишал, но и да ги испее пред голема публика. Ние знаеме дека ќе бидеме во првиот ред.

Антониј Ристески

Знаеме со чии beat-ови ќе денсаме на некој следен фестивал, затоа што нашиот Антониј Ристески е млада надеж на DJ сцената.Иако својата љубов кон електронската музика активно ја негува во последните шетити месеци, не се сомневаме дека, со работа и труд, својот талент ќе го доведе до врвно ниво.Ние сме тука да му дадеме ветер во грб.Ни останува да чекаме повик за настап на Tomorrowland.

Викторија Симеонова

Виктор Иго кажа: Музиката изразува се она што не може да се изрази со зборови, а не смее да остане некажано. А нашето ново име на музиката – Викторија кажа многу повеќе. Дека гитарата е нејзиниот најдобар другар повеќе од 6 години. Дека музиката е светлост која го осветлува секој нејзин нов ден и жица која ја спојува со прекрасни луѓе. А ја спои и со другарката со која се пријави на Ново Име и
ја однесе победата. Уште едно Ново Име на музиката ја чека светла иднина.

Ангела Георгиевска

Се надеваме дека сочувала место на полиците поред силните медали и пехари, зато што Ангела Георгиевска е нашето Ново Име на танцот!Со пријателките Ева и Дaјана, веќе 3 години се занимава со танц и нанижува успеси во Македонија, но и пошироко. А, кажува дека наградата Ново Име ќе и допринесе да го продолжи својот низ на успеси.А нејзиниот мото ќе го паметиме: “Не вежбај да успееш, вежбај да не можеш да погрешиш.”

Александар Јакимовски

Љубител на Counter-Strike. Сања еден ден ќе игра за професионален Counter-Strike тим и ќе одмери сили со најдобрите. Веќе добро и иде, затоа што учествуваше на повеќе онлајн турнири ширум Македонија, но и на Балканот, а како осумгодишна ја освои и првата парична награда. Сега уште еднаш ја прејде играта, станувајќи Ново Име на гејмингот.

Станче Алексов

Станче АлексовCharlie Parker, John Coltrane, Sonny Rollins, Sonny Rollins, Dexter Gordon…слободно продолжи го низот на најпознатите саксофонисти на сите времиља, но застани во Кочани каде Станче Алексов сонува бар слична слава. Сега е чекор поблиску, затоа што токму овој 21-годишник е нашето Ново Име! Со омилениот инструмент се дружи веќе седум години, а во последно време класичните звуци на саксофонот ги комбинира со електронска музика, творејќи препознатлив, само негов музички израз.

Мартин Милевски

Од секогаш го привлекувала желбата светот околу него да го оттргне од заборав. Обидувајќи се да го направи тоа на различни креативни начини, ја прегрнал фотографијата, преку која во меѓувреме научил многу за себе – што сака, кои му се амбициите, кои му се целите… Љубовта кон фотографирањето го донесе до титулата на нашето осмо Ново Име. Мартин е амбициозен, оптимистичен и искрен, а такви се и неговите портрети, со кои храбро сака да го освои светот.

Теодор Мицески

Авантурист, енергичен, духовит, перфекционист, искрен, комуникативен…и поред сето тоа и нашето Ново Име на фотографирањето! Сето тоа е Теодор Мицески од Прилеп, 24 годишен вљубеник во фотографијата, за која зборува дека го одушевува нејзината моќ со која успева засекогаш да го сочува од заборав секој момент. Неговиот талент и љубов кон добрата фотографија му донесоа наклоност на публиката, и титула на нашето деветто Ново Име, па така во 2021. година ќе зачекори како победник!

 

Сакаш да се пријавиш на натпревар или сакаш да го дадеш својот глас за некој од кандидатите? Треба само да се пријавиш преку Фејсбук!